PICHA YA LEO: OFISI YA CHAMA CHA MPIRA WA MIGUU KAHAMA (KDFA)

TAZAMA JINSI MVUA ILIVYO HARIBU MIUNDO MBINU SAME

Wakazi wa Kijiji cha Ndungu Wilayani Same,wakiangalia Greda likiendelea na kazi ya kusawazisha njia mara baada ya kumomonyoka kwa udongo katika eneo linalojengwa Daraja na kupelekea magari kushindwa kupita kwa muda.

hali hiyo imekuja kutokana na mvua kubwa inayoendelea kunyesha Wilayani humo. Zoezi hili lilichukua takribani saa moja na nusu na kufanikiwa kupita kwa magari yaliyokuwa yamekwama kupisha zoezi hilo.

CHANZO:http://tinyurl.com/p6no74v

CHELSEA YAIRARUA STEAUA BUCHAREST BAO 4 KWA MTUNGI

Timu ya Chelsea ya London jana usiku tar 01/10/2013 iliisambaratisha timu ya Steaua Bucharest kwa jumla ya bao 4 kwa sinia, mabao ambayo yaliwekwa kimiani na Ramires mabao 2, Daniel Georgievski alijifunga baada ya mpira uliopigwa na Eto'o kumbabatiza mchezaji huyo na kuwa goli, na bao la mwisho lilifungwa na Frank Lampard na kukamilisha karamu ya mabao kwa Chelsea.

Ramires akishangilia goli lake kwa Chelsea.

Tores akitoka baada ya kuumia na nafasi yake kuchukuliwa na Eto'o

Ramires akishangilia na Juan Mata

Eto'o akipiga mpira amabao ulimgonga Daniel na kuwa goli kwa Chelsea.

Kipa wa Chelsea Peter Cech akiokoa hatari ya shuti la Bucharest.

Daniel Georgievski akivaa kiatu baada ya kujifunga 

MBUNGE WA ARUSHA KWA TIKETI YA CHADEMA GODBLESS LEMA AFUTIWA MASHITAKA

GODBLESS LEMA (MB)

Mahakama ya hakimu mkazi imefuta kesi iliyokuwa inamkabili mbunge wa jimbo la Arusha Godbless Lema na kudai kuwa upande wa mashitaka hakuwa na nia ya kuendeleza kesi hiyo.

Aidha kesi hiyo iliyokuwa inamkabili mbunge huyo ilikuwa ni ya uchochezi  katika chuo cha uhasibu Arusha ambapo vurugu hizo zilisababisha chuo hicho kufungwa.

 
Pia kesi hiyo ilipangwa kuanza kusikilizwa leo  mbele ya Hakimu Devotha Msofe wa Mahakama ya Hakimu Mkazi Arusha ili kuweza kuitolea ufafanuzi zaidi.

Hataivyo mara baada ya hakimu huyo pamoja na Jopo la mawakili kuingia mahakamani hapo, Wakili wa Serikali Elianenyi Njiro, aliiomba mahakama kesi hiyo ifutwe chini ya kifungu cha 91(1) cha Sheria ya Mwenendo wa Makosa ya Jinai, kama ilivyorekebisha 2002.

 
Ilidaiwa mahakamani hapo kuwa upande wa mashitaka uliona hauna haja wala tija ya kuendelea na kesi hiyo lakini pia ni vema kama kipengele
cha sheria kikaangaliwa zaidi.

Pia mara baada ya ombi hilo mahakama iliridhia na kudai kuwa kuanzia sasa Mbunge huyo yupo huru kwa mujibu wa kifungu cha sheria.

 “kwa mujibu wa kifungu cha sheria kuanzia sasa Lema upo huru”aliongeza hivyo. Awali Akisoma maelezo ya awali Julai 10 mwaka huu mahakamani hapo, Wakili wa Serikali Elianenyi alidai Aprili 24 mwaka huu, Lema akiwa eneo la Freedom Square la IAA alifanya kosa la uchochezi wa kutenda kosa kinyume na Sheria ya Kanuni ya Adhabu.

Akifafanua shtaka hilo, Elianenyi, alidai kuwa Lema aliwaeleza wanafunzi wa chuo hicho ambao walikuwa wamekusanyika kufuatia kuuawa kwa mwenzao na watu wasiojulikana kuwa; Upande wa mashtaka tayari ulikuwa umewaleta mashahidi watano ambao ni Kamanda wa Polisi wa Wilaya ya Arusha, Giles Mroto, Naibu Mkuu wa Chuo cha Uhasibu Arusha, Faraji Kasidi, Inspekta wa Polisi Bernard Nyambalya, Jane Chibuga na Mwadili wa Wanafunzi wa Chuo cha Uhasibu Arusha, John Joseph Nanyaro.

MWANAUME AJILIPUA MOTO NA KUFA HUKO SENGEREMA: SAMAHANI KWA PICHA

Marehemu Zakaria Gindu baada ya kujilipua na moto.

Mkazi wa kitongoji cha Kijiweni kilichopo kijiji cha Chifunfu kata ya Chifunfu wilaynia Sengerema mkoa Mwanza, amefariki dunia baada yakujilipua kwa moto kisha kuungua vibaya na kufariki dunia akiwa ndani ya nyumba yake.

 

Akithibitisha kutokea kwa tukio hilo Mwenyekiti wa kitongoji hicho Bw. Juma Mashauri, amemtaja aliyekumbwa na mauti hayo kuwa ni Bw. Zakaria Ngindu (36) mzaliwa wa kijiji cha Mwamanyiri wilaya ya Busega  Mkoa wa Simiyu.

Bw. Mashauri amesema kuwa tukio hilo lilitokea mnamo Septemba 27 mwaka huu majira ya saa10 jioni na chanzo cha tukio hilo inaelezwa kuwa ni kutokana na ugomvi uliokuwa ukiendelea ndani ya nyumba yake na mke wake aliyetajwa kwa jina la Veronica Lumanicha mzaliwa wa kitongoji cha Ngoma ‘B’ Kilichopo kijiji cha Nyamatongo Kata ya Nyamatongo wilayani Sengerema, baada ya kumkuta akiwa na namba za simu ya mkononi ambazo hazieleweki kuwa ni za nani.

Kwa mujibu wa mashuhuda wa tukio hilo walisema wanandoa hao walikuwa na ugomvi wa mara kwa mara wakituhumiana kutokuaminiana katika ndoa yao iliyokuwa imegubikwa na vitimbwi vingi vilivyosababisha mmoja  wa wanandoa hao kushikwa na hasira na kunywa pombe kisha kuchukuwa maamuzi ya kujiua ili kuondokana na kero hiyo.

 

Kutokana na tukio hilo kwa upande wake  Katibu wa umoja wa vijana wa chama cha mapinduzi (CCM) wilaya Sengerema Bw.Benedictor Bujiku aliyekuwa ameambatana na waandishi wa habari kushuhudia tukio hilo amewaomba vijana kupenda kujishugulisha na shuguli na kuacha suala la ulevi unaosababisha kuchukua maamuzi ya kujiua wakati Taifa bado linawategemea .

 

Naye diwani wa kata hiyo Robert Madaha amesikitishwa kwa kutokea kwa tukio hilo na amewataka wananchi kuacha unywaji wa pombe ambao hauna faida yoyote kwa ujenzi wa Taifa.

SEREKALI YAIJIBU YANGA KUHUSU MAOMBI YA UJENZI WA UWANJA

Siku moja baada ya uongozi wa Yanga kudai serikali imechelewesha majibu ya maombi ya kuongezewa eneo la ardhi, umetakiwa kwenda kuhakiki deni la kodi ya ardhi sh milioni 100 unazodaiwa tangu mwaka 1997, gazeti la Tanzania Daima limeripoti.

Yanga kupitia mwenyekiti wa Kamati ya Ujenzi wa Uwanja, Francis Kifukwe, juzi ilitangaza kuwa wizara pamoja na manispaa ya Ilala zimechangia kukwamishwa kwa ujenzi wa uwanja wao unaotarajiwa kuitwa ‘Jangwani City’.

Taarifa ya Ujenzi wa Uwanja wa Yanga.

Akizungumza na gazeti la Tanzania Daima, msemaji wa wizara hiyo, Rehema Isango, alisema, wao hawawazuii Yanga kuendelea kufuatilia hati katika wizara yao, bali wanatakiwa kulipa na deni hilo ambalo ni kodi ya umiliki halali wa eneo lao la Jangwani, yaliko makao makuu ya klabu hiyo inayoendesha kazi zake za kila siku.

“Yanga wao wameomba kwetu hati, na hilo haliwazuii kuendelea na mchakato huo ila cha muhimu waje waangalie kodi hiyo na wailipe,” alisema Rehema.

Msemaji huyo aliongeza kuwa jana waliwasiliana na Ofisa Habari wa Yanga, Baraka Kizuguto, na kumweleza juu ya deni hilo na kuwataka kwenda wizarani kujiridhisha na kisha kulilipa.

Aidha Rehema alisema manispaa ya Ilala ina mpango wa muda mrefu wa kulitumia eneo hilo kwa shughuli mbalimbali na sio ujenzi kutokana na kuwa bonde.

Aliongeza kuwa Yanga kupata au kutopata eneo hilo kutatokana na maamuzi ya manispaa ambao ndio watendaji wao wakubwa.

ARSENAL YAICHAPA NAPOLI EMIRATES OZIL AFUNGUA AKAUNTI YA MABAO

MABAO mawili ya Mesut Ozil na Olivier Giroud yameipa Arsenal ushindi wa 2-0 nyumbani katika mchezo wa Ligi ya Mabingwa Ulaya  dhidi ya Napoli Uwanja wa Emirates. 

 

Ozil alifunga bao safi dakika ya nane akimtungua kipa hodari wa zamani wa Liverpool Pepe Reina, hilo likiwa bao lake la kwanza tangu ajiunge na timu hiyo kutoka Real Madrid kabla ya Olivier Giroud kufunga la pili dakika ya 15.

 

Kikosi cha Arsenal kilikuwa: Szczesny, Sagna, Mertesacker, Koscielny, Gibbs, Flamini, Arteta, Ramsey/Monreal dk88, Ozil, Rosicky/Wilshere dk63 na Giroud.

 

Napoli: Reina, Mesto, Albiol/Fernandez dk83, Britos, Zuniga, Behrami, Inler, Callejon/Zapata dk77, Hamsik, Insigne, Pandev/Mertens dk61.

Oliver Giroud akishangilia bao lake

Ozilakipokea pasi kiustadi na kuelekea langoni mwa Napoli

Wenger na Rafa Benitez wakisalimiana

Hasira za mashabiki wa Napoli

Ozil akiwachambua Napoli kama karanga