SAKATA
la wizi wa fedha katika akaunti za wateja wa benki, sasa limeingia
katika sura mpya baada ya Mbunge wa Biharamulo Magharibi, Dk Gervas
Mbasa (Chadema) naye kuibuka na kudai kuwa ameibiwa Sh6 milioni kutoka
kwenye akaunti yake. Akizungumzia
wizi huo, mbunge huyo alisema fedha zake ziliibwa kwa nyakati tofauti
kati ya Desemba 20 mwaka jana na Januari 3, mwaka huu.
Alisema
kitendo hicho kilifanywa na mtu mmoja aliyempigia simu na mtu mmoja
aliyejitambulisha kuwa ni mfanyakazi wa Makao Makuu ya Kampuni ya Airtel
na kwamba alikuwa katika zoezi la kuhakiki namba zote za zamani.
“Alinieleza
kwamba kwa niaba ya Airtel yupo katika zoezi la kuhakiki namba zote
zilizosajiliwa zamani na yangu ilikuwa ni ya miaka 10 na akaniuliza
namba ya mwisho kuwasiliana na mtu kupitia simu yangu. Nilimtajia namba
ya mke wangu na baada ya maelezo hayo aliniomba nisizime simu yangu
wakati wakiwa wanashughulika na kuisajili na kwamba muda wowote
nitapatiwa maelekezo,” alieleza mbunge huyo.
Facebook Comments Plugin Enhanced by Kitongoni blog
