MECHI ZA CAPITAL CUP ZINAZOCHEZWA LEO NA MUDA WAKE

PICHA YA KIUMBE KILICHO ONEKANA PEMBA LEO

Kengeja Likoni kisiwani Pemba watu  wameshuhudia kiumbe kikubwa sana cha baharini kilicho pwewa katika mwamba wabahari kuu Kengeja

Kuna watu wengine wanasema ni  nyangumi wapo wanao sema chongowe na wengi wanasema hawamjui ni aina gani ya kiumbe hicho.

Hadi sasa wapo hapa Vijana Wa tawi la likoni zaidi ya Vijana 200 kujionea kiumbe cha ajabu urefu wake karibu mita 40 upana na  mita 25 kwa kwenda juu.

SHIRIKA LA MAENDELEO YA PETROLI LAKANUSHA KUTAKA KUWAAJIRI VIJANA 500

SHIRIKA LA MAENDELEO YA PETROLI TANZANIA


TAARIFA KWA UMMA KUKANUSHA UVUMI WA KUAJIRI VIJANA 500 NA KUWAPATIA MASOMO YA MAFUTA NA GESI


Kuna taarifa zimeendelea kusambazwa kwenye mitandao ya kijamii zikiwa na maelezo kuwa:  " Serikali kupitia Shirika la Elimu Tanzania, TPDC kwa ushirikiano na kampuni za oil and gas, wanatarajia kuajiri vijana wapatao 500 katika sekta hii mpya Tanzania kuanzia mwezi Januari na Machi 2015, hivyo wameandaa crush program itakayoanza 6 Oktoba 2014. Walengwa ni vijana wenye elimu ya form 4 na form 6 ambao watasoma kwa miezi 6 na kupelekwa kwenye ajira  moja kwa moja baada ya kuhitimu!..kwa wale wenye elimu kuanzia diploma watasoma kwa miezi 3, kozi ya oil and gas management!...Ada kwa kundi la kwanza ni tshs 1,150,000 na kundi la pili ni Tsh 550,000. Kwa yeyote mwenye kuhitaji fursa hii akachukue fomu Shirika la Elimu Tanzania, application form ni Tsh 20,000 na deadline ni tarehe 30 Septemba 2014".

TPDC inapenda kuwaeleza Watanzania kuwa habari hizo si za kweli na kwamba TPDC haijafanya makubaliano yoyote na Shirika la Elimu kuhusu suala hilo. TPDC inawaasa Watanzania kuchukua tahadhari ya matangazo ya aina hiyo na inapotokea, tafadhali wasiliana nasi kwa namba za simu zilizooneshwa hapo nchini.

IMETOLEWA NA
KITENGO CHA MAWASILIANO,
SHIRIKA LA MAENDELEO YA PETROLI TANZANIA
​
​​​​BWM Pensions Towers, Tower A,
​​​​Junction of Azikiwe /Jamhuri Streets
​​​P. O. Box 2774,
​​​Tel: +255 22 2200103/4
​​Dar-es-Salaam, Tanzania

WATOTO SITA WALAWITIWA KANISANI ARUSHA

Watoto sita wakiwemo wawili wa kiume wenye umri wa miaka 8 hadi 14 wameharibiwa vibaya sehemu zao za siri baada ya kubakwa kanisani na watu wanaodaiwa ni wachungaji.

Kamanda wa Polisi Arusha, Leberatus Sabas amethibitisha kutokea kwa tukio hilo na watuhumiwa wa tukio hilo wanashikiliwa katika Kituo Kikuu cha Polisi jijini hapo kwa uchunguzi zaidi.

Wakiwa katika Hospitali ya Mkoa wa Arusha, Mount Meru walikopelekwa kwa matibabu na kuangaliwa maambukizi ya magonjwa ya zinaa, watoto hao walidai kufanyiwa mchezo huo kwa nyakati tofauti  na wachungaji watatu wa kanisa hilo lililopo eneo la  Feed Force, Kwamorombo jijini Arusha.

 

Mmoja wa watoto hao anayesoma darasa la 4 katika shule ya msingi alieleza kuwa yeye na wenzake wamekuwa wakifanyiwa mchezo mchafu katika kanisa hilo baada ya wachungaji hao kuwapatia shilingi 2,000.

“Siku moja nilipofika shuleni wenzangu wakaniambia niende pale kanisani tukapewe hela, nilipofika niliwaona wenzangu wengine wakifanyiwa mchezo mchafu na mimi mchungaji aliniambia niiname akanifanyia kitendo kibaya na kunipa shilingi 2,000/- niliumia sana,’’ alisema mwanafunzi mmoja.

Mwanafunzi mwingine alisema amekuwa akitoroka shuleni na wenzake na kwenda kwa watumishi hao ambapo huwaingiza katika kanisa hilo na kujifanya wanawaombea baadaye huwafanyia mchezo mbaya.

 

Wanafunzi hao walieleza kuwa watumishi hao huwarubuni kwa kuwaeleza kuwa watawasaidia kuwasomesha iwapo watakuwa wakienda kwenye kanisa hilo na kuwaingilia.

Mzazi mmoja wa watoto hao, Julius, mkazi wa Kwamorombo alisema mtoto wake alimweleza kwamba amekuwa akifanyiwa mchezo mbaya na watumishi hao baada ya kupewa shilingi 2,000. Alisema aligundua hilo kufuatia tabia ya mtoto wake kuchelewa kurudi nyumbani.

Naye Mbunge wa Arusha Mjini kwa tiketi ya Chadema, Godbless Lema ambaye alifika hospitalini kuwajulia hali watoto hao alisikitishwa na kitendo hicho na kulitaka jeshi la polisi lifanye uchunguzi wa kina kwa kushirikiana na vipimo vya kidaktari ili kupata ukweli wa tukio hilo.

“Nimeongea na mkuu wa mkoa, Magesa Mulongo ambaye ameahidi kulifuatilia kwa kina suala hili na kujua undani wake,’’ alisema Lema.

 

Hata hivyo, watoto hao baadaye walihamishiwa katika Hospitali ya Seliani kwa ajili ya vipimo zaidi huku taarifa za awali zikithibitishwa na daktari wa hospitali hiyo kuwa, baadhi yao walikutwa na michubuko na kupanuka sehemu za siri hali inayooneshwa kuingiliwa.

Chanzo:www.baabkubwamagazine.com

DEGE ECO - VILLAGE YAANZA UJENZI WA NYUMBA ZA NSSF KIGAMBONI

Mradi wa nyumba unaosimamiwa na kampuni ya Hifadhi inayoitwa Dege Eco-Village umeshiriki maonyesho ya nyumba yaliyofanyika jijini Dar es Salaam umeanza hivi karibuni.

Akiongea na waandishi wa habari jijini Dar es Salaam,  Mkurugenzi wa Masoko na Mauzo Bw. Azhar Malik wa Dege eco-Village alisema “Kwa sasa ujenzi unaendelea na karibu aina ya nyumba apartment 3000 zitakuwa tayari ifikapo Januari 2015. 
 
Mradi huo unajengwa kwenye eneo la eka 300 na kampuni hiyo imewekeza zaidi ya dola milioni 350. Kwa ujumla nyumba aina ya villa ziko 300 na apartment ziko 7400. Mradi huu utakamilika mwaka 2018. Apartment zitakamilika mwaka 2017 na villa mwaka 2018. 

IKIFIKA MACHI GHARAMA YA KUUNGANISHA UMEME NYUMBANI ITAKUWA BURE

Gharama za kuunganisha umeme wa majumbani zitatolewa bure kuanzia mwezi Machi mwakani baada ya ujenzi wa bomba la gesi kutoka Mtwara hadi Dar es Salaam, kukamilika kwa asilimia 90.

Aidha gharama za matumizi ya umeme wa majumbani na viwandani zitapungua kwa kiasi kikubwa baada ya mtambo huo kuanza kufanyakazi.

Msemaji Mkuu Wizara ya Nishati na Madini, alisema hayo jana alipotembelea mtambo huo Kinyerezi akiwa na Mwenyekiti wa CCM mkoa wa Dar es Salaam, Ramadhani Madabida, Kamati ya Ulinzi na Usalama ya mkoa na Waandishi wa habari.

Alisema kuwa gharama za watumiaji wa umeme kwa Tanzania ziko chini kwa asilimia tano ukilinganisha na nchi za Uganda (asilimia 24) na Burundi (asilimia 20).
“Mtambo wa kusafirishia umeme wa gesi ambao ukubwa wake ni kama ule wa Ubungo umekamilika kwa asilimia 90.

Alisema kuwa serikali imeajiri wafanyakazi Watanzania kwa asilimia 95, na ifikapo Januari vijana 60, watapelekwa nchini China kwa masomo ili wapate ujuzi wakuendesha mitambo hiyo.

Mhandisi anayesimamia mradi huo, Saimoni Gilma, alisema mradi huo umetumia Dola za Marekani milioni 103, ambazo zote zimelipwa na Serikali ya Tanzania.
Alisema ujenzi wa miundombinu ya mitambo hiyo umekamilika kinachosubiriwa ni kuletwa kwa mitambo hiyo kutoka bandarini.

Aidha, nyumba za wafanyakazi, watakaoendesha mitambo hiyo zimekamilika kwa ajili ya kuanza kazi. Alifafanua kuwa mabomba ya gesi yaliotandazwa aridhini kutoka Mtwara hadi Dar es Salaam ni transfoma 200. Na yatawekewa ulinzi mkali ikiwa ni pamoja na ulinzi wa helikopta itakayokuwa inazunguka usiku na mchana.

Alisema kuwa gharama za kuweka umeme majumbani zitagharamiwa na nchi ya Japan na Finland, wananchi watatakiwa kutoa sehemu ya viwanja vyao au mashamba ili kupisha bomba hilo kupita.

SOMA MAGAZETI YA LEO JUMANNE TAREHE 23 SEPTEMBA 2014 HAPA

PICHA: ARSENAL YAMPIGA ASTON VILLA 3 BILA NA R.MADRID YASHINDA 8 KWA 2

'DANNY BOY' Welbeck leo amefunga bao lake la kwanza akiwa na klabu yake ya Arsenal wakati timu yake ikiibuka na ushindi wa mabao 3-0 Ugenini dhidi ya Aston Villa.

Arsenal walipata mabao yao matatu ya haraka ndani ya sekunde 200, kwa mabao ya Mesut Ozil, Danny Welbeck na la tatu Aston Villa wakijifunga.

OZIL AKITUPIA LA PILI

BAO LA KUJIFUNGA LA ASTON VILA

JINSI BAO LA WELBECK LILIVYOTENGENEZWA

ARSENE WENGER AKIPIGA PICHA NA KATUNI WA ASTON VILLA

CHRISTIANO Ronaldo ni hatari bwana! amelidhihirisha hilo leo wakati akifunga Hatrick yake ya 23 tangu alipojiunga na klabu ya Real Madrid ya Hispania wakati timu yake ikiibuka na ushindi wa mabao 8-2 dhidi ya klabu ya Deportivo.

Mabao ya Madrid katika mchezo huo yalifungwa na Ronaldo  29', 41', 78', Rodriguez 36', Bale 66', 74', Hernandez 88', 90' huku yale ya Deportivo yakifungwa na Medunjanin 51', Verdú Nicolás 84' 

YANGA YAPIGWA 2 KWA 0 JAJA AKIKOSA PENATI

Unaukumbuka ule msemo wa Okwi mwisho Chalinze, mjini kila mtu JAJA! Basi leo hali imekua tofauti kwenye uwanja wa Manungu jijini Morogoro baada ya Mshambuliaji huyo wa kimataifa wa Brazil Geilson Santos Santana 'JAJA'  kuonyesha kuwa makali yake mwisho ni kwenye nyasi za uwanja wa taifa jijini Dar es salaam tu, lakini akitoka hapo hamna kitu!

Wakiwa ni wenye matumaini makubwa Yanga waliosindikizwa na mashabiki lukuki walijikuta wakikubali kichapo cha mabao 2-0 kutoka kwa wakata miwa wa Turiani Mtibwa Sugar inayonolewa na kocha Mecky Mexime.

Mabao ya Mtibwa katika mchezo huo uliokuwa wa kasi kwa dakika zote 90 yaliwekwa kimiani na mshambuliaji wa zamani wa Simba na timu ya Taifa ya Tanzania 'Taifa Stars' Mussa Hassan 'Mgosi' kwenye dakika ya 15 wakati msumari wa pili ukishindiliwa kimiani na Ali Ame kwenye dakika ya 83.

Katika mtanange huo pia ulishudia mshambuliaji pendwa katika kikosi cha Yanga Geilson Santos Jaja akikosa penati kwenye dakika ya 46 ya kipindi cha pili cha mchezo iliyopanguliwa na kipa wa Mtibwa Said Mohammed.

Yanga walionekana kuutawala mchezo huo kwa kipindi kirefu lakini Mtibwa walionekana kunufaika zaidi na mipira ya 'counter Attack' mashambulizi ya kushtukiza yaliowapa mabao yao mawili kwa njia nyepesi.

 KIKOSI CHA YANGA KILIWAKILISHWA NA

1. Deo Munish "Dida" - 30
2. Juma Abdul - 12
3. Oscar Joshua - 3
4. Nadir Haroub "Cannavaro" - 23
5. Kelvin Yondani - 5
6. Mbuyu Twite - 6
7. Hassan Dilunga - 26
8. Haruna Niyonzima - 8
9. Geillson Santana "Jaja" - 9
10. Mrisho Ngasa - 17
11. Hamis Kizza - 20

Subs:
1. Juma Kaseja - 13
2. Rajab Zahir - 4
3. Omega Seme - 14
4. Nizar Khalfani - 16
5. Saimon Msuva - 27
6. Hussein Javu - 21
7. Said Bahanuzi - 11

YANGA WAKIPASHA KABLA YA MCHEZO KUANZA

MASHABIKI WA YANGA WAKIFATILIA KWA MAKINI MCHEZO

YANGA WAKIPASHA

BASI LA MASHABIKI WA YANGA KUTOKA DAR-ES-SALAAM

YANGA WAKITOKA UWANJANI CHINI YA ULINZI MKALI