VITUO VIWILI VYA REDIO VYAFUNGIWA KWA MUDA USIO JULIKANA LEO

Waziri wa Habari, Utamaduni , Sanaa na Michezo Nape Moses Nnauye amezifungia radio mbili kwa muda usiojulikana kwa makosa ya kuandaa vipindi ambavyo vimerushwa hewani vikiashiria uchochezi.

 Nape amesema kuwa uamuzi wa kuvifungia vituo hivyo umefikiwa baada ya kujirdhisha kuwa kipindi cha Matukio kilichorushwa Agosti 25, 2016 muda wa saa 2 usiku hadi saa 3 na Radio 5 pamoja na kipindi cha Morning Magic katika kipengele cha Kupaka Rangi Agosti 17 vilikuwa na maudhui ya uchochezi ambao ungeweza kuleta uvunjifu wa Amani.

Amesema kuwa kufuatia tukio hilo amevifungia viyuo hivyo kwa muda usiojulikana kwani wamekiuka masharti ya kanuni ya 5 (a,b,c na d), kanuni ya 6(2a, b na c) na kanuni ya 218 ya huduma za utangazaji ya mwaka 2005.

PROF. LIPUMBA NA MAGDALENA SAKAYA WAVULIWA UANACHAMA CUF

Aliyekuwa Mwenyekiti wa Chama cha CUF, Prof. Haruna Lipumba  

 

Chama Cha Wananchi (CUF) kimewasimamisha uanachama aliyekuwa Mwenyekiti wa chama hicho, Profesa Ibrahim Lipumba na Katibu Mkuu wa chama hicho upande wa Bara, Magdalena Sakaya.

Uamuzi huo umetolewa jana na Baraza Kuu la Chama hicho lililofanya mkutano wake visiwani Zanzibar kwa lengo la kuwajadili wanachama kadhaa wakiwemo vigogo hao. Sakaya amevuliwa nyadhifa zote ndani ya chama kabla ya kusimamishwa.

Taarifa kutoka ndani ya Mkutano huo zimeeleza kuwa Baraza hilo limewaadhibu wanachama 15 wakiwemo Sakaya ambaye pia ni mbunge wa Kaliua.

Mbali na vigogo hao, wengine waliopigwa rungu na Baraza Kuu la CUF ni pamoja na Katibu wa Baraza la Wazee, Shashi Lugeye, Thomas Malima na Naibu Mkurugenzi wa Habari na Mawasiliano, Abdul Kambaya.

Aidha, Baraza hilo limemsimamisha uanachama Mbunge wa Mtwara Mjini, Maftah Nachuma. Hatua hii inaweka matatani ubunge wa Sakaya na Nachuma kwani wakifikia hatua ya kufukuzwa watakosa sifa za kuendelea kuwa wabunge.

Lipumba na Sakaya hawakupata nafasi ya kujitetea kutokana na kutohudhuria mkutano huo wakati Shashi alipata nafasi ya kujitetea kutokana na uwepo wake lakini utetezi wake haukuzaa matunda. Katiba ya chama hicho haiwapi nafasi wabunge hao kukata rufaa kutokana na uamuzi wa Baraza hilo.

Uamuzi huo umekuja ikiwa ni siku chacha baada ya Mkutano Mkuu Maalum wa Chama hicho uliolenga kumchagua Mwenyekiti Mpya kuvunjika kutokana na kuwepo vurugu kubwa baada ya Profesa Lipumba kuingia ndani ya ukumbi huo na wafuasi wake wakitaka barua yake ya kutaka kurejea kwenye nafasi yake ijadiliwe na kukubaliwa.

Hata hivyo, kura zilizopigwa na wajumbe wote zaidi ya 800, ni kura 14 pekee zilizotaka Profesa Lipumba aendelee na nafasi ya uenyekiti.

KIKOSI CHA TIMU YA TAIFA STARS KITAKACHO SAFIRI KWENDA KUIVAA NIGERIA HIKI HAPA

Kocha Mkuu wa timu ya Mpira wa Miguu Tanzania ‘Taifa Stars’, Charles Boniface Mkwasa, ametangaza wachezaji 20 watakaounda kikosi kitakachosafiri mwishoni mwa mwezi huu kwenda Nigeria kwa ajili ya mchezo wa mwisho wa kuwania kucheza fainali za Kombe la Mataifa ya Afrika (AFCON 2017) dhidi ya timu ya Taifa ya nchi hiyo, Super Eagles.

Licha ya mchezo huo wa Septemba 3, 2016 kuwa sehemu ya mchuano wa kuwania nafasi ya kucheza fainali hizo za AFCON 2017 huko Gabon, lakini utakuwa ni wa kukamilisha ratiba baada ya Misri kufuzu kutoka kundi G ambalo mbali ya Nigeria na Tanzania, pia ilikuwako Chad ambayo iliyojitoa katikati ya mashindano.

“Tanzania hatuwezi kuupuuza mchezo huu, tunaupa umakini kabisa kwa sababu tunacheza ugenini ambako matokeo mazuri yanaweza kutusongesha mbele na kuingia ndani ya timu 99 bora katika viwango vya FIFA,” amesema Mkwasa.

Katika kikosi chake, Mkwasa ametangaza kutomjumuisha Mshambuliaji wa Kimataifa, Thomas Ulimwengu anayecheza klabu ya TP Mazembe ya Jamhuri ya Kidemokrasia ya Congo (DRC) kutokana na majeruhi ya paja kama ilivyo kwa Juma Abdul wa Young Africans ambaye aliumia katika mchezo wa kuwania Kombe la Shirikisho dhidi ya Mo Bejaia ya Algeria.

“Timu ilitarajiwa kuingia kambini Agosti 28 siku ya Jumapili, mchezo huo ni wa kukamilisha ratiba ambapo Misri tayari wameshafuzu fainali za Afrika,” alisema Mkwasa na kuongeza kuwa kuna mchezaji wa Tanzania, Said Carte Mhando anamfuatilia ili ikiwezekana baadaye amwite kuchezea timu ya Taifa. Anachezea Klabu ya Brencia Calcio ya Italia.

Wachezaji walioitwa:

Makipa; Deogratius Munishi (Young Africans) na Aishi Manula (Azam FC)

Mabeki

Kelvin Yondani (Young Africans),Vicent Andrew (Young Africans)

Mwinyi Haji (Young Africans),Mohamed Hussein (Simba SC)

Shomari Kapombe (Azam FC) na David Mwantika (Azam FC)

Viungo

Himid Mao (Azam FC),Shiza Kichuya (Simba SC),Ibrahim Jeba (Mtibwa Sugar),Jonas Mkude (Simba SC),Muzamiru Yassin (Simba SC),Juma Mahadhi (Young Africans) na Farid Mussa (Tenerif ya Hispania)

Washambuliaji
Simon Msuva (Young Africans),Jamal Mnyate (Simba SC),Ibrahim Ajib (Simba SC),John Bocco (Azam FC) na Mbwana Samatta - CK Genk ya Ubelgiji

UVCCM WATARAJI KUFANYA MAANDAMANO YA AMANI AGOSTI 31, 2016 KWA AJILI YA KUELEZA UTENDAJI WA DKT. JOHN POMBE MAGUFULI

Kaimu Katibu Mkuu wa Umoja wa Vijana wa Chama cha Mapinduzi (UVCCM) Shaka Hamdu Shaka akizungumza na Waandishi wa habari Makao makuu ya Ofisi hizo jijini Dar es Salaam.

Umoja wa Vijana wa Chama cha Mapinduzi (UVCCM) wanatarajia kufanya maandamano ya Amani Agosti 31 kwa ajili ya kueleza utendaji kazi wa Rais Dk.John Pombe Magufuli kwa Watanzania.

Akizungumza na waandishi wa habari leo jijini Dar es Salaam, Kaimu Katibu Mkuu wa Umoja huo, Shaka Hamdu Shaka amesema kuwa maandamano hayo wameshamwandikia barua mkuu wa jeshi la Polisi kwa ajili ya kupata ulinzi siku hiyo.

 

Amesema kuwa wasipopata ulinzi watafanya kwa kujilinda wenyewe ikiwa ni lengo la kufikisha ujumbe kwa wananchi juu ya utendaji kazi wa Rais Dk. John Pombe Magufuli.

Shaka amesema kuwa Rais Dk.John Pombe Magufuli amefanya watendaji kuwa na utii pamoja na maadili katika utoaji wa huduma kwa wananchi.

Aidha amesema kuwa maandamano hayo wanaawalika na vijana wa vyama vingine kushiriki kwa lengo moja tuu, la kuunga mkono utendaji wa Rais Dkt. John Pombe Magufuli.

SAFARI MPYA YA TRENI KUANZA SAFARI ZAKE KWENDA BARA

Uongozi wa Kampuni ya Reli Tanzania (TRL) umeamua kuongeza safari ya tatu ya treni ya abiria ya kawaida kwenda bara  ambayo itaondoka  Dar es Salaam kila Jumapili, safari ya kwanzai takuwa Jumapili hii ya  Septemba 04,2016 saa 9 alasiri. 

Taarifa imeainisha kuwa treni hiyo ya huduma ya kawaida itakuwa na mabehewa  12 kutokea   Dar  es Salaam ikiwa na mabehewa manane ya daraja la 3, mawili daraja la pili kulala na mawili daraja la kwanza. Katika stesheni za Morogoro na Dodoma yataongezwa  mabehewa mawili mawili ya daraja la tatu.

Aidha treni ya Deluxe imebadilishwa siku ya kuondoka badala ya Jumapili kwa sasa kuanzia Septemba Mosi, 2016 itakuwa inaondoka siku ya Alhamis saa 2 asubuhi kutoka kituo kikuu cha Dar es Salaam. 

Halikadhalika mabadiliko haya pia yataongeza safari za treni ya kwenda Mpanda kutoka Tabora badala ya 2 za sasa zitakuwa 3
kwa wiki ambazo ni Jumatatu, Jumatano na Jumamosi..

Wakati huohuo  Uongozi wa TRL umefanya uamuzi wa kihistoria
wa kupeleka huduma za kuuzwa  tiketi za safari zake  mjini Kasulu ambapo kuanzia Septemba mosi itafungua kituo cha Reli ambacho kitafanya kazi ya kutoa huduma hiyo kwa  wasafari wanaotoka Kasulu mjini na maeneo ya jirani . 

 

Kwa uamuzi huo TRL imetoa nafasi za tiketi za  behewa moja la daraja la 3. Pia kuna mpango wa  kufungua kituo kama hicho siku zijazo mjini Kibondo hali itakaporuhusu kulingana na mahitaji halisi ya abiria.


Imetolewa na Afisi ya Uhusiano kwa Niaba ya :

Kaimu Mkurugenzi Mtendaji wa TRL,

Nd Focus Makoye Sahani,

Dar es Salaam,

Agosti 23, 2016.

WASANII WAWILI WALIOKUWA CHINI YA SHAROBARO RECORDS WAUAWA

 Ude Ude akiwa na swahiba wake Iqu Junior

Kitongoni Tanga

 

Taarifa kutoka tanga zinaripoti kuwa, wasanii wawili wa mziki wa Bongo fleva ambao walikuwa chini ya lebel ya Sharobaro records UDE UDE na IQU JUNIOR wameuliwa kwa risasi maeneo ya kiwanda cha cement cha Sungura Tanga kwa kosa la ujambazi ambapo walikuwa wanakimbizwa na Polisi.

Report ya Mkuu wa Polisi wa Tanga haijathibitisha tukio hili sio vibaya tukimjua Ude Ude ni nani kwani?,  Huyu alikuwa Msanii na muandishi mzuri wa mashairi ya mziki wa Bongo fleva na amekuwa akiwaandikia wanamuziki maarufu wa Bongo nyimbo ambazo huziimba kwa ufasaha.

Nyimbo alizowahi kuandika ni Single boy ya Ali Kiba, Wangu ya Lady Jaydee featuring Mr. Blue, Lofa ya Top C. Mbali na utunzi pia yeye Ude Ude ni mwanamziki kwani amewahi kutoa wimbo wake uitwao NGOMA INOGILE.

IQU ambae amefunga ndoa miezi michache tu, yeye ni mpiga picha na mwanamuziki pia aliishatoa wimbo aliomshirikisha Ali Kiba uitwao NISAMEHE.

MWENYEKITI WA SIMBA ASHIKILIWA NA POLISI

Evance Aveva

RAIS wa klabu ya Simba ya jijini Dar es Salaam, Evans Aveva, alikaa rumande kwa siku mbili baada ya kushikiliwa na Jeshi la Polisi Kanda Maalumu ya Dar es Salaam, kutokana na amri ya kukamatwa iliyotolewa na Taasisi ya Kuzuia na Kupambana na Rushwa (Takukuru).

Taarifa za kukamatwa kwa Aveva zilianza kuenea juzi usiku huku kukiwa na sintofahamu kubwa juu ya chanzo cha bosi huyo wa klabu kigogo cha soka nchini kulala rumande. Hata hivyo, jana vyombo vya dola vilianza kufunguka na kueleza masuala mbalimbali yaliyosababisha kushikiliwa kwa Aveva ingawa muda wa asubuhi maofisa wa polisi na Takukuru walishindwa kuweka bayana sababu hasa ya kumshika bosi huyo. 

Baadaye Takukuru walisema kwamba uchunguzi unaendelea lakini Aveva anashikiliwa kwa madai ya matumizi mabaya ya ofisi ingawa Ofisa Habari wa Takukuru, Musa Milaba, hakutaka kuweka wazi zaidi.

baadae taarifa za udadisi zikabainisha kuwa kukamatwa kwa Rais huyo ni tuhuma za matumizi mabaya ya fedha zilizotokana na mauzo ya mshambuliaji wao Mganda, Emmanuel Okwi, aliyeuzwa katika klabu ya Etoile du Sahel ya Tunisia mwaka 2009.

Simba walipokea zaidi ya Sh milioni 600 kutoka kwa klabu ya Etoile baada ya kuuzwa kwa dola 300 za Kimarekani. Inadaiwa kwamba, fedha hizo ziliingizwa kwenye akaunti ya klabu ya Simba na baadaye kuhamishwa na kupelekwa katika akaunti ya mtu binafsi ambaye ni mwanachama wa klabu hiyo. 

Habari zaidi zilidai kuwa fedha hizo zilihamishwa kwenye akaunti hizo kwa lengo la kukwepa kodi ambayo klabu ya Simba inadaiwa na Serikali.

Chanzo: Bingwa

MAVUGO ATUA RASMI SIMBA

TV 1 KURUSHA MECHI ZOTE ZA LIGI YA UINGEREZA

Kituo cha Televisheni nchini, TV1 leo hii kimezindua kampeni yake inayokwenda kwa jina la Toroka Uje ambayo inawaletea watazamaji wake matangazo ya bure ya mechi zote za Ligi Kuu ya Uingereza maarufu kama English Premier League zitakazoanza kutimua vumbi kuanzia Agosti 13 mwaka huu.
Akizungumzia kampeni hiyo Meneja Mkuu wa TV1,  Joseph Sayi alisema kuwa Watanzania kwa kipindi kirefu wamekuwa wakitumia pesa nyingi kuangalia ligi hiyo maarufu duniani lakini kupitia TV1 ambayo inapatikana kwenye king’amuzi cha Startimes, Watanzania watakuwa wakitazama mechi hizo bure bila gharama yoyote.

Naye Meneja Masoko wa TV1, Gillian Rugumamu aliongeza kuwa mbali na watazamaji wa TV1 kufurahia mechi hizo ambazo zitarushwa kuanzia mechi ya kwanza hadi ya mwisho wa ligi, pia wamejiandaa kukutana na watazamaji wa TV1 kupitia michezo mbalimbali, matamasha na mashindano yatakayokuwa na zawadi mbalimbali zikiwemo vifurushi vya king’amuzi cha Startimes na nyingine kibao.

Akizungumzia kuhusu kampeni hiyo ya Toroka Uje, Mkuu wa Uzalishaji vipindi wa TV1, Mukhsin Mambo, alisema kuwa  kipindi hicho kitakachoanza kuruka tarehe 10 mwezi huu kitakuwa katika siku tatu ambapo kutakuwa na mijadala ya kandanda, mpira laivu na uchambuzi kuhusu mechi zijazo ambapo uchambuzi huo utaongozwa na wachambuzi wakubwa akiwemo Dr Leaky Abdallah na Ally Kashushu.

Aidha Meneja Masoko wa Startimes, Damien Li aliwahakikisha Watanzania kuwa Startimes haitaongeza bei ya vifurushi wala kutoza chochote kwa watazamaji wa Ligi hiyo kupitia TV1 kwa kuwa ni bure kabisa.

TETESI ZA USAJILI ULAYA

Chelsea wako tayari kumtoa mshambuliaji wa Ufaransa Loic Remy, 29, pamoja na dau litakaloweka rekodi Uingereza kitita cha paundi millioni 65 kwa mshambuliaji wa Everton Romelu Lukaku, 23. (Chanzo Daily Mail)

Everton wamekuwa waking’ang’ania wapewe paundi millioni 75 kwa mchezaji huyo pekee ambaye walimsajili kutoka Chelsea kwa paundi millioni 28 miaka miwili iliyopita. (Chanzo Sun)

Lukaku anafikiria kutoa ombi rasmi ili kulazimisha arudi tena Stamford Bridge. (Chanzo London Evening Standard)

Winga wa Leicester City Riyad Mahrez, 25, amekubali kuhamia Arsenal, hii ni kwa mujibu wa chanzo kimoja kutoka nchini Algeria. (Chanzo Le Buteur)

Kocha wa Manchester City Pep Guardiola anataka kufikia muafaka juu ya dili la paundi millioni 50 la uhamisho wa beki John Stones, ambaye ndiye lengo lake kuu, ingawa Everton wamesisitiza kuwa bado kuna 'gepu kubwa' kati ya klabu hizo mbili juu ya ada ya uhamisho wa mchezaji huyo wa kimataifa wa England. (Chanzo Daily Mirror)

Real Madrid inaweza ikawapa ofa Newcastle ya wachezaji wawili vijana - pengine Mariano Diaz, 23, na Marcos Llorente, 21 – kwa mikopo wa muda mrefu ikiwa ni kama sehemu ya mpango wa kumchukua kiungo wa Ufaransa Moussa Sissoko, 26. (Chanzo Guardian)

Stoke City wanafikiria kumtoa aidha Joselu, 26, Mame Diouf, 28, au Peter Crouch, 35, ikiwa West Bromwich Albion watataka wapewe mchezaji wa kubadilishana kwenye dili la uhamisho wa Saido Berahino, 22. (Chanzo Stoke Sentinel)

Paris St-Germain wamekubali kuwalipa Real Madrid yuro millioni 25 kama ada ya kumsajili winga Jese Rodriguez, 23. (Chanzo Marca)

Bastian Schweinsteiger ameambiwa atapewa nafasi ya kurudi Bayern Munich ikiwa ataondoka Manchester United. (Chanzo Sky Sports)

HUU NDIO USAJILI KAMI LI WA RUVU SHOOTING

Timu ya soka ya Ruvu Shooting, imekamilisha usajili wa wachezaji wake watakaoichezea msimu mpya wa 2016/17.

Wachezaji wapya waliosajiliwa msimu huu, timu walizotoka kwenye mabano ni Jabir Aziz (Mwadui FC),   Richard Peter (Mbeya city), Elias Emanuel (Polisi Morogoro), Clidel Loita (Mji Njombe), Chande Magoja na Fuluzuru Maganga wote kutoka Mgambo JKT, Shaibu Nayopa (Oljoro), Abrahaman Musa (JKT Ruvu) na Renatus Kisasa ambaye ni mchezaji huru.

Aidha wachezaji wazamani walioachwa ni Ally Khan, Yahya Tumbo, Chagu Chagula, Juma Mpakala, Rashid Gumbo, Kulwa Mobi, Gidion Seppo na George Osei.

Timu iko kambini Mabatini ikiendelea na mazoezi ambapo Agost 1, ilicheza mchezo wa kwanza wa kirafiki dhidi ya Mbeya city na kupata ushindi wa bao 1-0, leo Jumatano Agost 3 itakuwa uwanja wa Polisi College, Dar es salaam kucheza na Polisi Dar es salaam ambapo Jumamosi ijayo itakuwa Mabatini ikipambana na Azam fc.

Imetolewa na;

Masau Bwire 

Afisa Habari na mawasiliano Ruvu Shooting.

YANGA NAO KUFANYA MKUTANO NA KUCHEZA MECHI YA KUJIPIMA

Baada ya watani wao kufanya mkutano wa mabadiliko nao Young African Sports Club wameitisha mkutano mkubwa tarehe 06 mwezi wa nane. Pamoja na mkutano huo itapigwa mechi kubwa ya kujipima nguvu kati ya Yanga na Mtibwa sugar kutoka turiani manungu Morogoro.

Chini ni taarifa ya mkutano huo.

SIMBA WAMUOMBA MO KUTIMIZA AHADI YAKE

Chini ni barua ya Simba kwenda kwa mkurugenzi wa Mohamed Interprises Kumuoomba asaidie usajili katika kutimiza ahadi yake baada ya wanachama kuridhia mabadiliko.

MAONI YA ZITTO KUHUSU MO SIMBA

Mwanachama wa Simba Zitto Zubery Kabwe nae amejitokeza kwenye mitandao ya kijamii na kutoa maoni yake kuhusu mabadiliko yanayo elekea kufanyika Simba. Hapo chini ni maoni yake kuhusu mgawanyo wa hisa. 

20bn tshs endowment fund for Simba SC ni moja ya pendekezo bora zaidi kutolewa na Mwanamichezo nchini kwetu. Mohamed Dewji anapendekeza kuwa yeye atatoa tshs 20bn na kuziweka kwenye Endowment Fund kisha riba kutumika kuendesha Club. Tutakuwa na club matata sana nchini. Vyuo vikuu vikubwa duniani Kama Harvard vinaendeshwa kwa Mfumo huu anao pendekeza MO. Tukiwa na usimamizi mzuri wa Fedha tutakuwa timu bora kabisa na tutaweza hata kuwa na academy ya Simba Kama ilivyo kwa club kubwa duniani. 

Hata hivyo, nashauri kwenye muundo wa umiliki, mtu mmoja asiwe na Hisa zaidi ya 40%. Ushauri wangu ni mgawanyo ufuatao; 

- Mwekezaji ( MO ) 40% ( mkataba wake wa uwekezaji uonyeshe kuwa kwa kupewa Hisa hizi atafungua endowment fund ya thamani ya tshs 20bn na atakuwa na uhuru wa kuteua trustees wa Fund hiyo. Mwekezaji atakuwa na uhuru wa kuifunga fund iwapo asiporidhishwa na matumizi Fedha zinazotokana na Endowment Fund ). 

-  Wanachama wote wa Simba wagawiwe sawa 40% ( kuwe na cut off ya siku ya mwisho Mwanachama kujiunga kuweza kufaidika na kugawiwa Hisa hizo. Hisa za Simba SC zikishaorodheshwa kwenye soko la Hisa, Mwanachama atakuwa na uhuru wa kuuza Hisa zake freely. 

- 20% ya Hisa ziorodheshwe kwenye Soko la Hisa la Dar Es Salaam kwa ajili ya 1) kuvutia wawekezaji wengine 2) kukuza mtaji wa Kampuni 3) kuwezesha uwazi kwenye uendeshaji wa kampuni kwani Wanachama wote watakuwa wanajua kila kinachoendelea kwenye kampuni na club kwa sababu soko la Hisa Lina ' disclosure rules '. 

Kwanini MO asiwe na 51%? Sio MO tu, Memarts za Simba ziwe wazi kwamba hakuna mtu mmoja au kampuni moja au taasisi yeyote moja itakayoruhusiwa kuwa na zaidi ya 40% ya Hisa za kampuni. Hii itamfanya MO au mwekezaji mwingine yeyote kuhakikisha anatafuta 11% zaidi ili kupitisha maamuzi. Kuna hatari ya kumpa mtu mmoja uwezo wa kufanya maamuzi peke yake. Lazima kumfanya ashawishi japo 11% ya wenye Hisa ili kuboresha maamuzi. Leo ni MO anaipenda Simba, kesho unaweza kuwa na mtu asiye MO. Nadhani 40% ni kiwango cha kutosha kwa Mwekezaji. 

Nashauri wana Simba tusicheleweshe haya MABADILIKO. Tufanye sasa hivi ili msimu huu unaoanza tuwe na timu imara yenye uhakika wa kushiriki Premier League. Mpango wa MO wa Endowment Fund ni Mpango bora na tusipoteze nafasi hii.