MWENYEKITI WA CCM MKOA WA MWANZA AUAWA KWA KIPIGO TOKA KWA WANANCHI

 

ALIYEKUWA Mwenyekiti wa Chama Chama Mapinduzi (CCM) mkoani hapa na Diwani wa kata ya Kisesa wilayani Magu kwa sasa, Clement Mabina (pichani), ameuawa na wananchi wenye hasira kali kwa kipigo, kufuatia ugomvi wa shamba.

Kwa mujibu wa habari hizo, Mabina ambaye alikuwa Diwani wa Kata ya Kisesa (CCM) aliuawa kwa kushambuliwa kwa mawe na mapang, baada ya kutokea kutoelewana na wananchi wa eneo hilo la mlima ambapo alikwenda kupanda miti kwa madai kuwa lilikuwa shamba lake.

Mkuu wa polisi wa wilaya ya Magu (OCD) aliyejitambulisha kwa jina moja la Mkapa, alikiri kutokea kwa mauaji hayo na kudai kwamba awali ilisikika milio ya bunduki kwenye eneo la Kanyama kabla ya kumtuma Mkuu wa Upelelezi wa wilaya hiyo (OC CID) kwenda katika eneo la tukio, hivyo taarifa kamili itatolewa na polisi mkoani Mwanza.

Mwenyekiti wa halmashauri ya wilaya hiyo, Desdery Kiswaga wakati akielekea kwenye eneo la tukio hilo leo mchana(Jumapili), aliliambia Uhuru kuwa alipokea taarifa za kifo cha Mabina kwa masikitiko makubwa baada ya kusikia kauawa na wananchi wenye hasira kali wakati wakigombea shamba la mlima huo.

Taarifa zaidi kutoka katika eneo la Kanyama zimedai kuwa Mwenyekiti huyo wa CCM awamu iliyopita,leo(Jumapili) asubuhi alipofika kwenye eneo la mlima huo analolimiliki ambalo linadaiwa kuwa na mgogoro baina yake na baadhi ya wananchi wa Kanyama, wananchi walifika na kumhoji kwa nini anapanda miti.

Hali hiyo ilizua mabishano makali na kutoelewana na wananchi hao ambao baadhi walikuwa na mapanga na kuzidi kuongezeka huku wakimzingira.

Kutokana na hali hiyo, Mabina alifyatua risasi hewani kuwatawanya lakini wananchi hao walianza kumshambulia kwa mawe na ndipo alipojihami kwa kufyatua risasi nyingine ambazo kwa bahati mbaya, moja wapo ya risasi ilimpiga mtoto mmoja aliyekuwa kwenye tukio hilo na kusabaisha kifo chake.

Wananchi hao walizidi kumshambulia kwa mawe na kumjeruhi kichwani kabla ya kumuangusha chini na kumkata kwa mapanga na kusababisha kifo chake papo hapo.

Hadi tukienda mitamboni jana(Jumapili) mchana, habari kutoka ndani ya jeshi la polisi mkoani Mwanza zilisema kwamba, Kamanda mpya wa mkoa huo Varentin Mlowola, alikuwa katika eneo la tukio akiongoza timu ya askari kuwasaka wananchi hao waliojichukulia sheria mkononi.

Marehemu Mabina hadi anakumbwa na mauti hayo, alikuwa Diwani wa Kata ya Kisesa. Aliwahi kuwa Mwenyekiti wa Halmashauri ya wilaya ya Magu na Mwenyekiti wa CCM wa mkoa wa Mwanza kwa kipindi cha miak mitano, kabla ya kushindwa na Dkt Anthon Diallo katika uchaguzi mkuu wa Chama mwaka jana.

CHANZO:CCM BLOG

KIBONZO: KIPANYA AKIZUNGUMZIA MAHUSIANO

SIMBA NA YANGA ZAPEWA JEZI KWA MPAMBANO WAO WA JUMAMOSI WA NANI MTANI JEMBE

KAMPUNI ya Bia Tanzania (TBL) kupitia bia yake ya Kilimanjaro Premium Lager imekabidhi jezi kwa timu za Simba na Yanga kwa ajili ya mechi ya Nani Mtani Jembe itakayochezwa Jumamosi kuanzia saa kumi kamili jioni kwenye Uwanja wa Taifa jijini Dar es Salaam.

Kampeni ya Nani Mtani Jembe  iliyozinduliwa Oktoba 6 mwaka huu itamalizika Jumamosi kwa klabu za Simba na Yanga kuchuana vikali pamoja na kuwania Sh milioni 100 zilizotengwa na Kilimanjaro Premium Lager ambao ni wadhamini wakuu wa timu hizo.

George Kavishe akiwakabidhi Makamu Mwenyekiti wa Simba, Joseph Itangare na Msemaji wa Yanga, Baraka Kizuguto jezi maalum zitakazotumika kwenye mechi ya Nani Mtani Jembe Jumamosi tarehe 21 Desemba. 

Akizungumza na waandishi wa habari Dar es Salaam jana, Meneja wa Kilimanjaro Premium Lager George Kavishe alisema wanakabidhi vifaa hivyo vyenye thamani ya Sh milioni 6.8 kwa ajili ya kuzipa mwonekano mpya timu hizo katika mechi hiyo.

Kwa upande wake Makamu Mwenyekiti wa Simba Joseph Itang’are ‘Mzee Kinesi’ aliwashukuru wadhamini hao Bia ya Kilimanjaro kwa vifaa hivyo huku akitamba timu yake kuibuka na ushindi.

Naye Ofisa Habari wa Yanga Baraka Kizuguto aliwashukuru wadhamini hao kwa kuwafanyia mambo mazuri na kuahidi kuendeleza mambo mazuri kwao na wataibuka na ushindi katika mechi hiyo.

RAISI KIKWETE AWATAKA WANANCHI KUWEKEZA KATIKA KILIMO ILI KUKUZA UCHUMI WA NCHI

Rais wa Jamhuri ya Muungano wa Tanzania Mhe.Jakaya Mrisho Kikwete amesema endapo jamii itafanikiwa kuwekeza katika kilimo basi uchumi wa Tanzania utakuwa na kufanikiwa kupiga hatua katika maendeleo ya nchini.

Rais Kikwete ametoa msisitizo huo jijini Dar Es Salaam wakati wa mkutano wa saba wa baraza la Taifa la Biashara TNBC uliokutanisha taasisi binafsi na za umma kwa lengo la kuimarisha ushirikiano baina ya taasisi hizo za pandembili.

Kilimo ni moja ya sekta ambayo imekuwa ikisisitizwa siku hadi siku, ingawa utekelezaji wake umekuwa ukisuasua katika baadhi ya jamii za kitanzania.

 

Miongoni mwa masuala yaliyozungumzwa katika mkutano huo uliotawaliwa na viongozi kutoka taasisi binafsi na umma ni pamoja na mpango wa Matokeo Makubwa sasa ambao unaonekana kufanikiwa zaidi kutokana na ushirikiano utakaokuwepo baina ya sekta hizo.

Mkutano huo pia umejadili changamoto mbalimbali ikiwemo suala la ajira kwa vijana na namna gani sekta binafsi inaweza kuimarishwa ili iweze kuzalisha ajira.

 

Viongozi mbalimbali wa serikali na taasisi binafsi akiwemo Waziri Mkuu Mizengo Pinda na mawaziri wa serikali wemehudhuria mkutano huo uliolenga kuimarisha ushirikiano baina ya taasisi binafsi na za umma.

Rais Dkt.Jakaya Mrisho Kikwete akiwa katika picha ya pamoja na wajumbe wa bodi ya Tanzania National Business Council muda mfupi kabla ya ufunguzi wa Mkutano wa TNBC uliofanyika katika hoteli ya Serena Jijini Dar es Salaa.

PICHA: OKWI AKIWEKA SAINI FOMU ZA KUJIUNGA NA YANGA

KIBONZO: KIPANYA NA KAULI ZA VIONGOZI KWA MANDELA

OKWI ATUA YANGA

Klabu ya Yanga SC imefanikiwa kukamilisha usajili wa mshambuliaji wa kimataifa kutoka nchini Uganda Emmanuel Arnold Okwi ambaye alikua akiichezea klabu ya SC Villa ya Uganda.

Yanga SC imempata mshambuliaji huyo msumbufu kwa mabeki wengi kwa mkataba wa miaka miwili na nusu ambapo kwa sasa ataitumika klabu yake mpya ya watoto wa jangwani mpaka mwishoni mwa msimu wa 2015/2016.

Dirisha dogo la usajili nchini Tanzania linafungwa leo usiku  Disemba 15, 2013 saa 6 usiku ambapo mabingwa wa kihistoria  klabu ya Yanga wamekalilisha taratibu zote za usajili ikiwa ni pamoja na kupata hati ya uhamisho wa kimataifa maarufu kama ITC.

Usajili wa Emmanuel Okwi unaifanya timu ya Yanga kufikisha idadi ya wachezaji  watano wa kimataifa wakiwemo mganda mwenzake Hamis Kiiza, Haruna Niyonzima, Mbuyu Twite na Didier Kavumbagu.

Uongozi wa Yanga unawaomba wanachama, wapenzi na washabiki kuwapa ushirikiano wachezaji wote wa zamani na wapya waliosajiliwa katika dirisha dogo la usajili.

Wachezaji wengine waliosajiliwa hivi karibuni katika kuimarisha kikosi cha Yanga ni mlinda mlango Juma Kaseja ambaye alikuwa mchezaji huru na Hassan Dilunga aliyesajiliwa kutoka timu ya Ruvu Shooting.

Baraka Kizuguto

Afisa Habari – Young Africans SC

Disemba 15, 2013.

VIDEO: HOTUBA ALIOTOA RAIS KIKWETE KWENYE MSIBA WA MANDELA LEO

NIKIWA RAIS NITARUHUSU POMBE HARAMU YA GONGO NA SILAHA HARAMU-DR SLAA

Chama cha Demokrasia na Maendeleo (Chadema) kimetoa mpya baada ya kueleza kuwa kitakapofanikiwa kushika dola kitaruhu Shirika la Viwanda Vidogo Vidogo (SIDO) kutengeneza mitambo ya kutengenezea pombe aina ya gongo. Katibu Mkuu wa Chadema, Dk.Willbroad Slaa, akizungumza na wananchi wa Jimbo la Kasulu Vijijini alisema kama gongo itatengenezwa kwa mitambo maalum itaondoa mianya ya rushwa kwa polisi ambao wamekuwa wakiwakamata wanaotengeneza kwa kificho na kuwafanya vitega uchumi vyao.

"Gongo sasa hivi ni haramu sababu inatengenezwa kwa kificho katika mazingira machafu, tukishika dola tutataka SIDO itengeneze mitambo ya kutengeneza gongo ili iwe katika hali ya usafi," alisema.

Mitambo hiyo itakayotengenezwa na SIDO itakapouzwa itaiingizia mapato serikali pia wauzaji wa gongo watafanya biashara hiyo kwa amani tofauti na sasa ambapo wanaifanya kwa kificho na wakikamatwa fedha zote wananufaika polisi.

Dk. Slaa alisema hata suala la kukamata watu wanaotengeneza silaha linapaswa kuangaliwa upya kwani wanaokamatwa wakifanya kazi hiyo wangekuwa wanashikiliwa kwa muda na baadaye wanapelekwa katika kiwanda cha serikali cha kutengenezea silaha ili watuhumiwa hao wapeleke ujuzi huo huko badala ya kuwafunga jela.

Dk. Slaa alisema matatizo yote yanatokana na wasomi kutofikiri namna ya kuisogea nchi mbele kimaendeleo.

"Nchi hii imelala, imechoka sababu waliopewa madaraka wamelala, wamejisahau hawatambui kuwa wamepewa nafasi hizo ili kuwatumikia wananchi," alisema.

CHANZO: NIPASHE

ABIRIA WA TRENI YA MWAKYEMBE WAANZA KUPITIA MADIRISHANI HEBU JIONEE KATIKA PICHA HAPA

Na Kamera ya kitongoni Blog:

 

Treni inayobeba abiria katika Jiji la Dar es Salaam maarufu kama Treni ya Mwakyembe ambayo inafanya safari zake kutoka Stesheni katikati ya Jiji hadi Ubungo - Maziwa. Imejizolea umaarufu mkubwa katika kuwasaidia abiria wengi wanaopata taabu ya usafiri katika Jiji hili.

Kadri siku zinavyozidi kwenda usafiri huu wa treni umekuwa unapendwa sana na watu walio wengi japo hauwasaidii watu wote ndani ya Jiji hili kutokana na sababu kwamba hauna foleni hivyo kuwafanya watu walio wengi kuwahi kufika nyumbani kwao ukilinganisha na usafiri mwingine wa gari ambapo umekuwa na foleni kila kukicha.

Kutokana na kupendwa huko na watu walio wengi usafiri huu sasa umeanza kuwa wa taabu sana kwa abiria kupanda pindi safari inapotaka kuanza Stesheni. 

Baadhi ya abiria wamekuwa wakipitia madirishani kama ambavyo tumezoea kuona kwenye baadhi ya mabasi ya kubeba abiria maarufu kama 'daladala' hapa Dar es Salaam kama walivyokutwa na Kamera ya Kitongoni hapo jana siku ya Jumanne tarehe 10/12/2013. 

Abiria wakiwa wamepanga foleni kabla Treni haijafika Stesheni.

Abiria huyu kama unavyomuona hapa akilipigia dirisha hesabu ili apande na kulifanya dirisha ndiyo mlango.

Baada ya kulitathmini dirisha Jamaa aliweza kupanda na kama anavyoonekana akiingia kupitia dirishani na huu sio ustaarabu kabisa.

Abiria wastaarabu wakipanda Treni hiyo kupitia mlangoni kama wanavyoonekana hapo.

MANJI KUTOGOMBEA TENA UENYEKITI YANGA: YANGA YAPATA KATIBU MKUU MPYA

Mwenyekiti wa Young Africans Yusuf Manji leo amemtambulisha rasmi Bw. Beno Njovu kuwa katibu mkuu mpya wa klabu akichukua nafasi ya Lawrence Mwalusako aliyekua kaimu katibu mkuu kwa kipindi cha mwaka mmoja.

Akiongea na waandishi wa habari makao makuu ya klabu ya Yanga, Mwenyekiti wa Yanga Bw.Yusuf Manji amesema Beno Njovu anaanza kuitumikia hiyo nafasi mpya kuanzia leo na Mwalusako atakua nae pamoja kwa kipindi cha mwezi mmoja mpaka atakapokabidhi kazi rasmi.

Aidha Manji ametangaza mkutano mkuu wa wanachama Januari 19,2013 ambapo wanachama watapata fursa ya kupitia mapato na matumizi,  na ajenda zingine mbalimbali ambazo zitajadiliwa katika mkutano huo.

Kikao cha kamati ya utendaji kilichoketi mwishoni mwa wiki kimemteua Bw.Seif Ahmed "Magari" kuwa Mwenyekiti wa Kamati ya Mashindano ya Kimataifa na kutokana na nafasi hiyo pia ameteuliwa kuwa mjumbe wa Kamati Kuu ya Utendaji wa klabu ya Yanga. 

Katika mkutano na wandishi wa habari makao makuu ya klabu Manji ametangaza rasmi kutogombea tena uenyekiti katika uchanguzi mkuu ujao, hili nimeliamua mwenyewe binafsi bila shinikizo na kikubwa nimefuata demokrasia.

Nina miezi saba kabla ya uchanguzi mkuu mwakani hivyo sasa ninajitahid kukamlisha shughuli zote ambazo nilianza kuzifanya ndani ya Yanga nikiwa kama mwenyekiti ili uongozi mpya utakaoingia uweze kuendeleza mipango ya kuifanya Yanga iwe klabu bora Tanzania.