MAHAKAMA NCHINI INDIA YAWA HUKUMU KIFO WABAKAJI WANNE

Mahakama nchini India imewahukumu wanaume wote wanne kifo baada ya kupatikana na hatia ya kumbaka na kumuua mwanamke katika basi katika mji mkuu wa India Delhi mwezi Desemba mwaka jana.
Mmoja wao aliangua kilio na kuanguka baada ya kutangazwa kwa hukumu dhidi yao .
Taarifa zinazohusiana
afya
Msichana huyo aliyekuwa na umri wa miaka 23 aliumizwa sana na baada ya wiki moja alifariki kutokana na majeraha .
Karibu miezi 9 baada ya ubakaji ulioitikisa India, jaji ametoa hukumu kwa wanaume wote wanne ambao tayari walikuwa wamepatikana na hatia ya uhalifu .
Wendesha mashtaka walikuwa wamewaombea hukumu ya kifo wakisema ingetoa ishara muhimu kwamba uhalifu wa aina hiyo hautakubalika kamwe .
Familia ya mwanamke huyo pia waliomba wanaume hao wanyongwe .
Lakini mawakili watetezi wa wanaume hao walipinga mapendekezo ya hukumu ya kifo , wakisema wateja wao hawakuwa na rekodi za uhalifu awali na kwamba wanastahili kusamehewa .
Kifo cha mwanafunzi huyo mwezi Disemba mwaka jana kilisababisha maandamano makubwa ya upinzani kote nchini India , yaliyoilazimisha serikali kubadili sheria zilizokuwepo za uhalifu wa ngono

WAGENI WOTE WATAKAO INGIA ZANZIBAR KUPIMWA MALARIA

KITENGO cha kupambana na Malaria Zanzibar (ZMPC) kimesema kinatarajia kuanza kampeni ya kuchunguza malaria kwa wageni wote watakaoingia nchini kupitia uwanja wa ndege na bandari ya Malindi.

Ofisa mwandamizi wa kitengo wa ZMPC, Mwinyi Mselem akizungumza na waandishi wa habari kuelezea mikakati ya kupambana na malaria nchini, alisema kitengo kimepanga kutekeleza mikakati hiyo, ikiwa ni sehemu ya kuhakikisha kwamba ugonjwa wa malaria unatokomezwa na hakuna njia za kuambukizwa kwa wananchi.

“Tunakusudia kuanzisha zoezi la kupima afya za wageni wote wanaoingia nchini kupitia njia za uwanja wa 

ndege pamoja na bandarini ili kujuwa afya za wageni wanaoingia nchini,” alisema.

Alisema mikakati ya kitengo cha kupambana na malaria ifikapo mwaka 2017 ni kuhakikisha ugonjwa huo umetokomezwa na siyo tishio tena kwa afya za wananchi. Kwa sasa Zanzibar imefanikiwa kushusha maambukizi ya ugonjwa huo kutoka asilimia 32 hadi kufikia asilimia moja na kupunguza vifo vya akinamama na watoto.

Hata hivyo, Mselem alisema katika kipindi cha miaka miwili sasa kumejitokeza maambukizi mapya ya malaria kutokana na kuongezeka kwa uchafuzi wa mazingira na hivyo kupelekea mbu kuzaliana zaidi.

Alisema kitengo cha kupambana na malaria kinatarajia kuanza kazi ya kupiga dawa majumbani pamoja na sehemu za mazalia ya mbu. Mselem alisema kazi hiyo inatarajiwa kuanza katika kipindi cha msimu wa mvua za vuli, ambazo huibuka kwa mazalia mengi ya mbu yanayosababisha ugonjwa wa malaria.

Zanzibar inatajwa mfano wa kupambana na ugonjwa wa malaria, ambapo hivi karibuni Rais mstaafu wa Marekani, Bill Clinton alizindua mradi wa kupambana na ugonjwa huo wa kupima damu hapo katika uwanja wa Amaan mjini hapa.

Khatib Suleiman
HabariLeo, Zanzibar

JWTZ YAKANA TAARIFA YA JAMII FORUM, TWITTER NA FACEBOOK

JESHI LA ULINZI LA WANANCHI WA TANZANIA
KURUGENZI YA HABARI NA UHUSIANO

Telex : 41051                                                       Tele Fax  : 2153426 Barua pepe : ulinzimagazine@yahoo.co.uk Tovuti : www.tpdf.mil.tz

Makao Makuu ya Jeshi,                 Simu ya Upepo  : “N G O M E”       Simu ya Mdomo  : DSM  22150463  Sanduku la Posta  9203,               DAR ES SALAAM,                                       12 Septemba, 2013.

Taarifa kwa vyombo vya Habari

Jeshi la Ulinzi la Wananchi wa Tanzania(JWTZ) limepata habari kupitia mtandao wa Jamii Forumna Gumzo la Jiji  na mingineyo kuwa likizo zimesitishwa Jeshini  na waliokuwa  likizo wameitwa kurudi kazini.

          Taarifa hizo pia zimeeleza kwamba Brigedi za Tembo na Kifaru zimepewa maagizo ya kuwa katika hali 

ya utayari endapo watahitajika kusonga mbele.

          JWTZ  linapenda kuwaeleza wananchi pamoja na watumiaji wa mitandao hiyo kuwa taarifa hizo ni za upotoshaji mtupu na hazina ukweli wowote.  Aidha, taarifa hizo ni zenye nia ya kuzorotesha uhusiano mzuri uliopo kati ya nchi yetu (Tanzania) na majirani zake. 

Sambamba na taarifa hii, pia Jeshi la Ulinzi la Wananchi wa Tanzania linapenda kutoa taarifa za kutohusika na viunganishi vya JWTZ kwenye mitandao ya  ‘Facebook‘ – (Facebook/JWTZ) na  ‘Twitter‘  (Twitter/ JWTZ).

Mitandao hiyo yenye viunganishi vya JWTZ imekuwa ikijihusisha na kutoa taarifa ambazo zimekuwa zikichangiwa na watu mbalimbali, ambapo baadhi yao wamekuwa wakitoa taarifa za upotoshaji  na zisizo sahihi.  Tunapenda kutaarifu kwamba akaunti za facebook na twitter zilizotajwa siyo za JWTZ.

Hatua zimechukuliwa za kuwatambua wahusika na kuwachukulia hatua za kisheria.

         Aidha inasisitizwa kwamba JWTZ lina taratibu za zake zinazotumika kufanya mawasiliano na Vyombo vya Habari, Taasisi, au mtu binafsi kuhusu utoaji wa taarifa.

Imetolewa na:
Kurugenzi ya habari na Uhusiano
Makao Makuu ya Jeshi
Dar es salaam, Tanzania

AKAMATWA MUDA MCHACHE KABLA YA KUTIMIZA AZMA YAKE YA KUCHOMA QUR`AN

Kiongozi mmoja wa Kanisa nchini Marekani anayeishi jimboni Florida, Terry Jones alitiwa mikononi mwa polisi jana muda mchache tu kabla ya kutimiza azimio lake la kuchoma Quran takriban elfu tatu, katika siku ambayo taifa hilo lililkuwa likiadhimisha miaka 12 tangu Marekani ishambuliwe kigaidi Septemba 11.

Magazeti kadhaa ya jimboni Florida yaliandika ifuatavyo:

The Tampa Tribune: "When he and another pastor were pulled over by Polk County sheriff's deputies near the small town of Mulberry, their pickup bed was full of kerosene-soaked Qurans - and they were towing a 

large, barbeque-style grill behind the truck. The arrest happened shortly before 5 p.m., when Jones was scheduled to burn the Qurans - one for every victim of the terrorist attacks - at a public park just outside Mulberry."

The Polk County Ledger:  County officials had previously denied a permit for the event. The paper reports that in a press conference Sheriff Grady Judd said Jones had been stopped because his trailer did not have a license plate and he has been charged with "unlawful conveyance of fuel and unlawful carry of a firearm."
Essentially, Judd said, Jones was driving a "bomb" down the road.
"We couldn't allow that vehicle to continue down that road," Judd alinukuliwa na gazeti kusema hayo.

The AP: "Jones is the pastor of a small evangelical Christian church. His congregation burned a Koran in March 2011, and last year he promoted an anti-Muslim film. His actions have sparked violence in the Middle East and Afghanistan. The U.S. Central Command, based at MacDill Air Force Base in Tampa, earlier this week had urged him not to go through with Wednesday's event."

Hii si mara ya kwanza kwa Jones kufanya jaribio la kuchoma Quran kwani miaka mitatu iliyopita, alipigiwa simu na Robert Gates, Katibu Mkuu wa Wizara ya Ulinzi wa wakati huo, akimtaka aachane na mpango wake wa kuchoma kitabu hicho kitakatifu cha Waisalam, kwa sababu kufanya hivyo kungehatarisha maisha ya askari wa Marekani waliopo ng'ambo, duniani kote.

Pamoja na kuwa alitii wito huo, mwaka 2012 mwezi Aprili alitimiza azma yake hiyo.

MESUT OZIL KUANZA KUITUMIKIA TIMU YAKE MPYA YA ARSENAL JUMAMOSI NA SUNDERLAND

KIUNGO Mesut Ozil amewasili katika klabu yake mpya, Arsenal tayari kuanza kumtumikia Arsene Wenger anayekabiliwa na tatizo la wachezaji wengi majeruhi.

Mchezaji huyo aliyenunuliwa kwa Pauni Milioni 42 ataanza mazoezi leo makao makuu ya klabu, Colney London kwa mara ya kwanza tangu ahamie akitokea Real Madrid.

 
Na Wenger anajiandaa kumtumia mwanasoka huyo wa kimataifa wa Ujerumani katika mchezo dhidi ya Sunderland Jumamosi hii baada ya Tomas Rosicky kurejea kwenye mechi ya timu yake ya taifa akiwa majeruhi.

 
Mwanasoka huyo wa kimataifa wa Jamhuri ya Czech aliumia wakati timu yake ikilala 2-1 dhidi ya Italia na yuko shakani kucheza Uwanja wa Light.

 
Hiyo inaacha milango wazi mno kwa Ozil kuanza kazi Arsenal, licha ya kwanza atakuwa na siku mbili tu kamili za kufanya mazoezi na wenzake kabla ya mechi hiyo.

 
Licha ya msimu kuwa umekwishaanza kwa karibu mwezi mzima, Arsenal tayari ina idadi kubwa ya majeruhi. 

FAMILIA YA MATUMLA: TUNASHANGAZWA NA TAARIFA YA NDUGU ZETU KUKAMATWA NA MADAWA YA KULEVYA

TAARIFA za kukamatwa na unga kwa mabondia wawili Mbwana na Mkwinda wa familia maarufu ya mchezo wa ngumi nchini ya Matumla, zimeishangaza familia na jamii nzima ya Tanzania.

Bondia Rashid ‘Snake man’ Matumla ambaye ni kaka wa Mbwana na Mkwanda, amedai endapo itathibitika wadoeo zake wanajihusisha kusafirisha dawa za kulevya, watakuwa ameipa fedheha familia yao.

Mbwana Matumla ambaye ni mkubwa, ameelezwa kukamatwa mpakani mwa Uswisi na Ujerumani wakati Mkwanda Matumla amekamatwa Addis Ababa nchini Ethiopia.

Akikaririwa kuzungumza na wanahabari kadhaa, Rashid, bingwa wa zamani wa dunia wa WBU amesema:

    Tumesikia Mkwanda hadi ubalozi wa Tanzania nchini Ethiopia umethibitisha, lakini Mbwana bado hatuna uhakika ingawa hakuna anayeweza kumpata kwa sasa.

    Ni mwezi sasa umepita sina taarifa naye na hata wakati anaondoka hakuniaga, nimesikia kupitia

    vyombo vya habari. Kitendo cha mdogo wangu kukamatwa kimenisikitisha mno, siyo siri nimekwazika na ninarudia kusema hii ni fedheha kwenye familia yetu.
    
    Mimi mwenyewe nashangaa ni lini amejiingiza kwenye kazi hiyo, hata wakati anaondoka hakuniaga, mimi kaka yao na familia hatuelewi chochote.

    Unajua Mbwana hakumuaga hata mkewe, kweli inatusikitisha sana na tunasikia maumivu makubwa. Kama kweli itakuwa ni hivyo, basi watakuwa wameiangusha sana familia ambayo ilipigana kujenga jina. Lakini hatuwezi kuwatenga kwa kuwa ni ndugu zetu, tutawapigania.

Maisha:
Mkwanda alikuwa akiishi nchini Sweden ambako alikuwa na mpenzi wake aliyejaaliwa naye kupata mtoto mmoja aitwaye Liam aliyezaliwa mwaka 2010. Mpenzi wake huyo raia wa Sweden alikuwa mwanafunzi katika chuo kimoja mjini Norrkoping wakati Mkwanda alikuwa mwanafunzi katika chuo kingine akisomea Lugha ya Kiswidi. Alisema mdogo wake huyo alikuwa amebadilisha uraia na kuchukua uraia wa Sweden licha ya kwamba hapa Tanzania alikuwa amepanga Mbagala, Dar es Salaam na alikuwa anakuja na kukaa kwa muda na kisha kuondoka.

Kurejea:
Hivi karibuni inaelezwa alirejea jijini Dar es Salaam na alionekana ni mtu mwenye furaha na mishemishe kibao. Alikuwa anamiliki gari aina ya Toyota Vitz ambalo pia aliliuza lakini kuna taarifa kuwa, alinunua kiwanja katika moja ya maeneo ya Jiji la Dar.

Ngumi:
Katika familia ya Matumla, Mkwanda ndiye alikuwa bondia mdogo kuliko wote baada ya wengine sita. Kwa mujibu wa Rashid alipumzika kucheza ngumi miaka kadhaa iliyopita kutokana na kusumbuliwa na maradhi. Rekodi zinaonyesha kabla ya kupumzika kwa muda kucheza ngumi, Mkwanda alishinda mapambano manane (sita kwa KO) alipigwa mara tatu zote kwa KO alitoka sare mara moja tangu 2004. Mkubwa ni Ally ambaye ni marehemu, anafuatiwa na Rashid Matumla aliyewahi kuwa bingwa wa dunia mara mbili, bingwa wa mabara, Afrika mara moja na ndiye anaaminika kuwa bondia mkali zaidi ya wengine. Anafuatia Hassan, Mbwana ambaye anaelezwa ‘kudakwa’ Ulaya, Kareem na Mkwanda. 

--- Habari kwa mujibu wa magazeti ya MWANANCHI na GPL

OPERESHENI YA KUSAKA WAHAMIAJI HARAMU YASABABISHA MNYARWANDA KUJINYONGA

Raia wa Rwanda amejinyonga kwa kamba chumbani kwake, tukio linalohusishwa na zoezi linaloendelea hivi sasa nchini la kuwasaka wahamiaji haramu na kuwarejesha makwao.

Kwa mujibu wa taarifa kutoka eneo la tukio, marehemu anatajwa kuwa ni Francis Mathias (75), ambaye alikuwa mkazi wa kitongoji Kikukuru kata Kikukuru, tarafa Mabira wilayani Kyerwa mkoani Kagera.

Mwenyekiti wa kitongoji cha Kikukuru, Joseph Leo, jana alilithibitishia NIPASHE kutokea kwa tukio hilo na kuwa alipata taarifa hizo kutoka kwa binti wa marehemu juzi saa 3:00 asubuhi.

“Baada ya kupata hizo taarifa niliongozana na mgambo, tulipofika mlango wa chumba chake ulikuwa umefungwa kwa ndani, tukafanikiwa kuuvunja tukaingia ndani na kukuta amejitundika kwa kamba,” alisema Leo na kuongeza kuwa marehemu alikuwa mfugaji na mkulima.

Alisema kuwa kabla ya kujiua, mzee huyo alichana fedha za Kitanzania zinazokadiriwa kufikia Shilingi
milioni saba zikiwamo noti za Sh. 5,000 na za Sh. 10,000, ambazo zilikutwa ndani ya chumba chake.

Leo alisema baada kushuhudia alipiga simu kwa Ofisa Mtendaji wa Kata Kikukuru ambaye alifika na kupiga ngoma na watu walikusanyika kushuhudia kilichotokea na baadaye kwenda kutoa taarifa  katika kituo cha Polisi.

Alipotakiwa na NIPASHE kuthibitisha kama kweli mwananchi wake aliyejinyonga alikuwa raia wa Rwanda, Leo alithibitisha na kufafanua kuwa tayari alikwisha kumuorodhesha kwa lengo la kurejeshwa kwao katika opereshani iliyoanza Jumamosi ya kuwarejesha makwao wahamiaji haramu wanaoishi mkoani Kagera.

Aliongeza kuwa aliwahi kumhoji marehemu Mathias ambaye alimweleza kuwa alikuja Tanzania kutoka Rwanda tangu mwaka mwaka 1976.

Naye Ofisa Tarafa ya Mabira, Nicolaus Rugemalira, alisema uchunguzi wa awali wa kimazingira umeonyesha kuwa kulikuwa na mgogoro wa familia baada ya marehemu kutaka wauze mali zao zote warudi Rwanda, lakini familia yake haikukubaliana naye kutokana na mkewe kuwa raia wa Tanzania.

“Mke wake ni Mtanzania, inaonekana baada ya familia yake kukataa uamuzi wake wa kuuza mali zote ili waondoke, aliamua kuchukua uamuzi huo,” alisema Rugemalira.

Akizungumzia tukio hilo, binti wa marehemu, Melania Francis, alithibitisha kuwapo ugomvi kati ya baba yake na mama yake hali iliyosababisha mama yao kuondoka bila kufahamika alikoelekea.

Alisema siku ya tukio aliamka na kuwaandaa wadogo zake kwenda shuleni na baada ya hapo alikwenda shambani kuona kama vibarua wameanza kazi ya kulima, lakini aliporudi nyumbani alishangaa kuona mlango wa chumba cha baba yake bado umefungwa wakati haikuwa kawaida yake kulala hadi saa moja.

Melania alisema alibisha hodi bila majibu, akajaribu kufungua ikashindikana na alipochungulia aliona fedha nyingi zimetapakaa ndipo alipokimbia kutoa taarifa kwa mwenyekiti wa kitongoji.

“Nafahamu baba alikuwa na uwezo wa kumiliki fedha hizo, lakini sikufahamu anazihifadhi wapi,” alisema binti huyo wa marehemu.

Alisema wamezaliwa watoto watano katika familia hiyo na kwamba ndugu zake wawili walitoweka na kubakia watatu na kuongeza kuwa kuwa anatambua kuwa baba yake alikuwa raia wa Rwanda.

Alipotakiwa kueleza kama anafahamu alikoelekea mama yake, binti huyo alidai kuwa hafahamu ingawa anafahamu kuwa ni mzaliwa wa Wilaya ya Ngara, mkoani Kagera.

Kutokana na kutoweka kwa mama huyo pamoja na wanafamilia wengine, uongozi wa eneo hilo unaendelea na ufuatiliaji ili kujua wanafamilia wengine wamekwenda wapi.

--- via gazeti la NIPASHE

TFF YATHIBITISHA KUWA COASTAL UNION ILIBEBWA MECHI DHIDI YA YANGA

YANGA imemponza mwamuzi, Martin Saanya wa Morogoro aliyechezesha mechi yao na Coastal Union ambaye amefungiwa mwaka mmoja kwa kuchezesha mchezo huo chini ya kiwango.
Saanya amepewa adhabu hiyo ya kutochezesha mechi yoyote ya soka ndani ya kipindi hicho sawa na mshika kibendera namba moja wa mechi hiyo, Jesse Erasmo ambaye alishindwa kutoa uamuzi sahihi wa adhabu ya penalti waliyopewa Coastal ndani ya dakika za nyongeza kabla ya mpira kumalizika na kusababisha sare ya bao 1-1.
Penalti hiyo ndiyo ilisababisha vurugu ambazo zilifanywa na mashabiki wa Yanga ambao , walimshambulia mwamuzi kwa chupa za maji na kuvunja kioo cha basi la wachezaji wa Coastal na kumjeruhi kichwani beki wa timu hiyo, Hamis Hamad aliyelazimika kuwahishwa hospitali.
Adhabu hizo zimekuja baada ya Bodi ya Ligi kupitia taarifa ya kamishna wa mechi hiyo, Omary Walii kutoka Arusha.
Ofisa Mtendaji Mkuu wa Bodi ya Ligi, Silas Mwakibinga aliliambia Mwanaspoti kuwa: “Saanya na Erasmo wamefungiwa mwaka mmoja kuchezesha mechi za ligi baada ya bodi kupitia ripoti ya kamishina wa mchezo huo.
Saanya ameadhibiwa kwa kuchezesha chini ya kiwango na alitoa adhabu ya penalti iliyofungwa na Coastal akiwa mbali na tukio,” alisema Mwakibinga na kufafanua kuwa posho za waamuzi wa mechi kwa sasa ni Sh 250,000 mbali na nauli na teksi tofauti na zamani walipokuwa wanalipwa shilingi 170,000.
“Kwa upande wa Erasmo ndiye alikuwa eneo la tukio ilipotokea penalti, lakini alishindwa kumsaidia mwamuzi wa kati na kubaki ameduwaa kama asiye na uhakika.”
Mwakibinga alisema mbali na adhabu hizo kwa waamuzi, Kamati imemfungia kocha wa makipa wa Coastal Union, Juma Pondamali muda wa miezi mitatu na faini ya Sh1 milioni kwa kutoa lugha ya matusi kwa mashabiki wanaodaiwa ni wa Simba.
Katika hatua nyingine, Coastal imetozwa faini ya Sh100,000 kwa kuchelewa kikao cha maandalizi ya mechi asubuhi kwa dakika 23 huku Yanga ikitozwa faini ya Sh1 milioni kwa mashabiki wake kurusha chupa uwanjani na pia kumvamia mwamuzi huku viongozi wakishindwa kuwadhibiti.
Kuhusu basi la Coastal hakukuwa na taarifa kwani tukio lilitokea nje ya uwanja.

SOURCE> MWANASPOTI

TUNAOMBA UTUPIGIE KURA ILI TUSHINDE

TUNAPENDA KUTANGULIZA SHUKRANI ZETU KWA WALE WOTE MLIOTUCHAGUA KUINGIA KWENYE MASHINDANO HAYA YA BLOGS AWARDS,TUNAOMBA KURA YAKO ILI TUWEZE KUIBUKA WASHINDI SASA,CLICK LINK HAPO CHINI NA UTUPIGIE KURA MARA NYINGI UWEZAVYO,

TUNATANGULIZA SHUKRANI ZETU,

JINA LA BLOG YETU NI kitongoni.blogspot.com

click hiyo link hapo chini upige kura mara nyingi uwezavyoooo

Vote For The Best Sports News Blog 

 

GONGA HAPA KUTUPIGIA KURA

TAIFA STARS WARUDI KIMYA KIMYA NA VISINGIZIO KIBAO

WACHEZAJI wa timu ya Taifa ya Tanzania, Taifa Stars wamerejea nyumbani baada ya mechi yao na Gambia ambapo walifungwa 2-0 huku matarajio yote sasa yakiwa ni kufuzu kucheza Kombe la Afrika 2015.
Wachezaji hao 18 pamoja na benchi la ufundi waliwasili katika Uwanja wa Ndege wa Julius Nyerere saa nane mchana kwa ndege la shirika la Kenya.

Stars wakiwasili

Stars wakiwasili

Hii ni mechi ambayo Taifa Stars, inayodhaminiwa na Kilimanjaro Premium Lager, ilitakiwa kushinda lakini ilikosa wachezaji tisa muhimu ambapo baadhi yao hawakuruhusiwa na vilabu vyao na wengine walikuwa majeruhi.
Akizungumza baada ya kuwasili kocha Kim Poulsen alisema kuutkana na hali halisi alilazimika kuwachezesha wachezaji vijana ambao uzoefu wao sio mkubwa sana kama ule wa  wachezaji wa kawaida ambao mara nyingi huwa wanaanza.
“Tumesikitishwa na matokeo haya lakini kama nilivyosema Gambia waliita wachezaji wao wote wanaocheza nje lakini sisi tulikosa timu karibu nzima….vijana waliocheza walijitahidi lakini wenzetu waliwazidi uzoefu,” alisema.
Alisema ni muhimu watanzania watambue kuwa mechi za kufuzu kucheza kombe la dunia zimekuwa muhimu sana kwa Tanzania kwani wachezaji wengi wametambulika na wameitwa nje. “Kuna wachezaji kama Shomari kapombe, Mwinyi Kazimoto, ambao kutokana na mechi hizi wamepata nafasi ya kwenda kucheza nje,” alisema.
Kocha huyo alisema yuko makini sana kutekeleza mpango wa muda mrefu ambao ni kuhakikisha Tanzania inafuzu kucheza Kombe la Afrika 2015,” alisema na kuongeza kuwa timu anayoendelea kujenga itafanya kazi hiyo.
Alisisitiza kuwa ni lazima TFF ihakikishe wachezaji wote muhimu wanakuwepo wakati mechi za kufuzu kucheza Kombe la Afrika zitakapoanza  mwakani.
“Kwa sasa wachezaji watarudi vilabuni kwao na baada ya muda mfupinitawaita tena ili tujiandae na Mashindano ya CECAFA Senior Challenge yatakayofanyika Nairobi,” alisema.
Aliwataka watanzania wawe na subira kwani ana imani na timu anayoijenga.
Akiunga mkono maneno ya Poulsen, Meneja wa Bia ya Kilimanjaro Premium Lager, George Kavishe, ambaye bia yake inadhamini Taifa Stars, alisema ni lazima nguvu zote zielekezwe katika AFCON 2015.
“Tungefurahi kama tungefuzu kucheza Kombe la Dunia lakini ni mapema sana kwa timu yetu ambayo bado inajengwa…tumpe kocha nafasi aweze kutimiza haya malengo na sio kumkatisha tama,” alisema.
Alisema  wao kama wadhamini wanafarajika na mabadiliko mbalimbali yaliyofanyika katika Timu ya Taifa tangu waanze kuidhamini Timu hiyo mwezi Mei mwaka uliopita.

PICHA: ANGALIA MITAMBO YA AZAM TV NA JINSI WALIVYO JIPANGA IPASAVYO

IMEWEKWA SEPTEMBA 9, 2013 SAA 9:42 ALASIRIMtaalamu kutoka Afrika, Martin Botha akitoa mafunzo kwa crew ya Azam TV katika ofisi kuu za kampuni hiyo, eneo la Tabata Reli, Dar es Salaam.

Sehemu ya vifaa studio

Madishi...

Mtaalamu kutoka Marekani akitoa mafunzo kwa Jaffar Iddi kwa Crew la Azam TV

Botha akitoa mafunzo kwa Crew

Kijana wa Crew akipata mafunzo ya utumiaji wa vifaa vya kisasa

Kijana wa Crew mafunzoni katika kifaa cha kisasa kabisa

Kama CNN, au...

Mmoja wa Wakurugenzi wa Azam TV, Alhaj Yussuf Bakhresa (kulia) akiwa na Wataalamu kutoka Uingereza

Gari kubwa la kurushia matangazo ya moja kwa moja

Mtambo huo..

Gari la kurushia matangazo ya Live

Wataalamu kutoka nchi mbalimbali wakiwa kazini ofisi za Azam TV Tabata Reli

Mtaalamu kutoka Uingereza akiwa kazini

Hii maana yake Uwanja wa Taifa wapiga picha za kawaida watakuwa hawasumbuliwi- kinyonga huyu atakuwa anachukua vitu juu kwa juu..hakuna kukimbia na Kamera...

Gari dogo la matangazo ya Live

Uani

Barazani  CHANZO: BIN ZUBEIRY

 

 

 

 

BIN ZUBEIRY